Fátt er mikilvægara til að koma á framfæri vöru og þjónustu en sterkt vörumerki til aðgreiningar frá samkeppnisaðilum. Ráðgjafar okkar veita ítarlega og sérsniðna ráðgjöf fyrir einstaklinga og fyrirtæki um sköpun, notkun og skráningu vörumerkja, á Íslandi eða erlendis. 

Hönnunarskráning verndar sjónrænt útlit vöru, án tillits til tæknilegrar virkni. Hönnunarvernd getur því veitt mikilvæga vernd fyrir útlit vöru í þeim tilvikum þar sem sérkennandi útlit aðgreinir vöruna frá samkeppnisaðilum. Hönnunarvernd getur verið viðbót við aðra vernd eða leið til að vernda vöru sem ekki er unnt að vernda með einkaleyfi.

Við veitum alla alhliða ráðgjöf um hönnunarvernd.

Lén eru æ mikilvægari eign fyrirtækja og skipta miklu máli í markaðssetningu og viðskiptum samhliða sívaxandi netnotkun. Eftir því sem íslensk fyrirtæki verða sýnilegri erlendis þá eykst þörf fyrir að þau myndi sér stefnu í lénaskráningum og hvernig bregðast skal við netsvindli.

Við getum séð um utanumhald og skráningu léna fyrir þig og þitt fyrirtæki.

Ágreining sem skapast um einkaleyfi, vörumerki eða hönnunarskráningu þarf að leysa með samningum eða málarekstri. Okkar lögfræðingateymi hefur áralanga reynslu af slíku, bæði innanlands og utan.

Við veitum einnig ráðgjöf og þjónustu við samningagerð, beitingu höfundarréttar og úttektir.

Við aðstoðum sprotafyrirtæki við að taka nokkur af fyrstu skrefunum í þróunarferli þeirra. Þjónustan sem við bjóðum upp á er sérsniðin að þörfum hvers viðskiptavinar, en meðal þess sem við bjóðum upp á er leit að félagaheitum, stofnun félaga, leit að vörumerkjum og ráðgjöf og þarfagreining í tengslum við hugverkavernd.